Jarmošyna płanuje prahałasavać 7 kastryčnika
Staršynia Centrvybarkama Biełarusi Lidzija Jarmošyna płanuje prahałasavać daterminova — 7 kastryčnika. Pra heta kiraŭnik CVK zajaviła siońnia žurnalistam.
«Płanuju 7 kastryčnika — u druhi dzień daterminovaha hałasavańnia», — skazaŭ Lidzija Jarmošyna. Jana patłumačyła, što ŭ pieršy dzień nikoli nie chodzić, bo ŭčastkovyja kamisii mohuć pracavać z ahrechami. «Pieršy dzień byccam probny, a ŭ druhi dzień užo ŭsio šlifujecca», — dadała kiraŭnik CVK.
Pavodle jaje słoŭ, usie ŭčastki ŭžo hatovyja da praviadzieńnia daterminovaha hałasavańnia, vyklučeńnie składajuć tolki tyja, dzie daterminovaha hałasavańnia nie praduhledžana: u sanatoryjach i balnicach. Tam śpisy vybarščykaŭ buduć hatovyja tolki za dva dni da vybaraŭ.
Lidzija Jarmošyna paviedamiła, što, jak praviła, daterminova hałasujuć kala 30% vybarščykaŭ. «U pryncypie, hetaja forma papularnaja», — skazała jana.