U DNR abiacajuć zapuścić aŭtobusnaje złučeńnie ź Biełaruśsiu
Aŭtobusnyja rejsy z tak zvanaj «DNR» u Biełaruś pačnuć kursiravać u bližejšyja dni paśla ŭzhadnieńnia maršrutaŭ ź biełaruskim bokam. Pra heta, jak paviedamlaje Danieckaje ahienctva navin, na pres-kanfierencyi ŭ Daniecku 2 kastryčnika zajaviŭ namieśnik «ministra transpartu DNR» Alaksandr Kušnir.
«Dakumienty pieravozčykam praktyčna sabrany, ciapier jon znachodzicca ŭ Biełarusi. Ciapier usio ŭzhadniajuć, i buduć zapuščany aŭtobusy na Minsk i jašče niekalki haradoŭ. Heta pytańnie niekalkich dzion», — skazaŭ čynoŭnik akupacyjnaj administracyi zaniataj rasijskimi siłami častki Danbasa.
Naładzić aŭtobusnaje złučeńnie ź Biełaruśsiu praz Rasiju ŭ DNR sprabujuć ad minułaha leta.