Aŭtamabilisty pratestujuć suprać svavolstva DAI
Akcyju la hiper-markieta "ProStore" naviedała fotakarespandentka NN Julija Daraškievič.
Da hipermarkietu "ProStore" siońnia zranku pryjechali niekalki dziesiatkaŭ aŭto, azdoblenych biełymi i čornymi stužkami, a taksama plakatami i nalepkami z nadpisam «Žyvy ščyt». Aŭtamabilisty takim čynam pratestavali suprać dziejańniaŭ daišnikaŭ, jakija dla spynieńnia pjanaha kiroŭcy vystavili na trasie žyvy ščyt z cyvilnych aŭto.
Prysutnyja padpisalisia pad zvarotam da prezydenta krainy, Savietu ministraŭ, Kanstytucyjnaha sudu s patrabavańniem razabrać zdareńnie i pakarać vinavatych. Pra padrabiaznaści zdareńnia raskazaŭ adzin z paciarpiełych, Jury Paškievič. Za aŭtamabilistami nazirali niekalki supracoŭnikaŭ pravaachoŭnych orhanaŭ u cyvilnym.
Miž tym, stała viadoma, što vinoŭnik avaryi nikoli nia mieŭ pravoŭ na kiravańnie aŭtamabilem, ale za rulom užo 7 hod. Bolš taho, 27-hadovy Raman byŭ trojčy sudzimy (u tym liku za ŭhon aŭto), adsiedzieŭ ahułam bolš za 10 hod.