Bresckija daktary vyratavali dziaŭčynku z Dnieprapiatroŭskaj vobłaści
Try dni daktary-reanimatołahi Bresckaj dziciačaj abłasnoj balnicy zmahalisia za žyćcio 14-hadovaj Hanny Ćviatkovaj, jakaja ranicaj 13 kastryčnika była dastaŭlenaja ŭ stacyjanar z mocnym unutranym kryvaciokam.
Fota ź siamiejnaha archiva
Niedamahańnie Hanna adčuła ranicaj papiaredniaha dnia. Źbić pavyšanuju tempieraturu samastojna nie ŭdavałasia, a da viečara pačałasia vanity z kryvioj. Dzicia dastavili ŭ rajonnuju balnicu ŭ Kamiancy. Vypadak akazaŭsia vielmi ciažkim, zapatrabavałasia dapamoha śpiecyjalistaŭ abłasnoj dziciačaj balnicy. Kryvaciok spynili biez apieratyŭnaha ŭmiašańnia: pravodziłasia pieralivańnie kryvi, užyvalisia krovazamianialnyja rastvory i darahija preparaty.
Siońnia dziaŭčynka znachodzicca ŭ chirurhičnym adździaleńni. Stan dziciaci pa-raniejšamu ciažki:
— Havorka idzie ab surjoznym zachvorvańni piečani, jakoje supravadžajecca epizadyčnymi masiŭnymi kryvaciokami. Kryvacioki, jak praviła, pačynajucca raptoŭna. U Hanny, pa raskazach baćkoŭ, hety vypadak nie pieršy. Padčas apošniaha epizodu jana straciła kala 1,5 ł kryvi, — raskazvaje zahadčyk chirurhičnaha adździaleńnia Bresckaj dziciačaj abłasnoj balnicy Siarhiej Hałubicki.
Surjoznyja prablemy sa zdaroŭjem u Hanny pačalisia ŭ 2009 hodzie, tady dziaŭčynku pryznali invalidam ź dziacinstva. Z hetaha času jana vučyłasia doma. U Biełaruś siamja pierajechała z ukrainskaha horada Marhanca Dnieprapiatroŭskaj vobłaści dva tydni tamu — 3. kastryčnika 2015 hoda. U pošukach pracy i mirnaha žyćcia spynilisia ŭ Breście, ale vielmi chutka pierabralisia ŭ Kamianiecki rajon. U miascovym kałhasie kiraŭnik siamiejstva Siarhiej Mikałajevič uładkavaŭsia žyviołavodam. U Hanny jość 16-hadovy brat Uład, 4-hadovy brat Vova i 1,5-hadovaja siastryčka Daryna.
Bresckija chirurhi nastojvajuć na dalejšym abśledavańni Hanny i apieracyi, jakuju mahčyma zrabić u Minsku ŭ Respublikanskim centry dziciačaj chirurhii. Ale takaja dapamoha moža być akazana tolki na płatnaj asnovie. Baćki Hanny źviarnulisia ŭ Hienieralnaje konsulstva Ukrainy ŭ Breście z prośbaj padtrymać ich materyjalna. Taksama siamja spadziajecca na dapamohu ŭsich nieabyjakavych ludziej.