Milinkievič źviarnuŭsia da biełarusaŭ z nahody Dnia Voli
«Zrobim tak, kab śvietłaje śviata 25 sakavika pryjšło ŭ kožny biełaruski dom i siamju. Pakažam moc biełaruskaha duchu i viery!»
Alaksandar Milinkievič |
Darahija suajčyńniki!
Šanoŭnyja siabry!
Kožny hod 25 Cakavika my śviatkujem Dzień Voli — dzień, jaki staŭ śviatam biełaruskaj dušy, padstavaj dla najvialikšaha honaru za narod Biełarusi.
90 hadoŭ tamu 25 Cakavika 1918 najlepšyja syny našaje ziamli zrabili mužny krok i zajavili ŭsiamu śvietu pra žadańnie i prava biełarusaŭ mieć svaju volnuju niezaležnuju demakratyčnuju dziaržavu — Biełaruskuju Narodnuju Respubliku.
Svajoj samaachviarnaj pracaj na karyść Ajčyny zasnavalniki BNR dy ichnyja paśladoŭniki zakłali padmurak niezaležnaści našaj krainy. Historyja dakazała, što jany vykazvali volu miljonaŭ biełarusaŭ.
Ciaham trahičnaha 20‑ha stahodździa naš narod maryŭ pra svaju dziaržavu. U 1991 hodzie niezaležnaść Biełarusi była adnoŭlena. Adnak tolki biecpasiaredniaja vola narodu, vyražanaja ŭ aktyŭnym čynie, zdolnaja stvaryć tryvałuju dziaržavu.
Siońnia ŭsim nam naležyć šanavać dasiahnieńni našych vialikich prodkaŭ i pracavać dalej dziela Svabody, Niezaležnaści, nacyjanalnaha adradžeńnia i roskvitu našaj lubaj krainy.
Zrobim tak, kab śvietłaje śviata 25 Cakavika pryjšło ŭ kožny biełaruski dom i siamju. Pakažam moc biełaruskaha duchu i viery! Hodna ŭzdymiem u hety dzień śviatyja bieł‑čyrvona‑biełyja štandary z «Pahoniaj»!
Nas jość, było i budzie šmat i my pieramožam!
Žyvie Biełaruś!