Baranski «Banhałor» — pomnik pryrody
Aršanski harvykankam abviaściŭ bataničnym pomnikam miascovaha značeńnia sasnovy park u Barani.
Aršanski harvykankam abviaściŭ bataničnym pomnikam miascovaha značeńnia sasnovy park u Barani. Na płoščy kala 10 ha tut rastuć drevy bolš čym stohadovaha ŭzrostu. Ciapier u parku zabaroniena jeździć na aŭtamašynach, paśvić žyviołu, vyhulvać sabak, palić vohniščy. Terytoryja parku budzie dobraŭparadkavanaja.
Pytańnie pra nieabchodnaść źbieražeńnia ŭnikalnaha kutka pryrody ŭźniali jašče letaś deputaty-demakraty Baranskaha harsavietu. Jany ž naładzili ŭ im i niekalki sanitarna-prafilaktyčnych akcyj. Darečy, bor u Barani źjaŭlajecca mienavita tym miescam, dzie ŭłady dazvalajuć hramadzianam ładzić pikiety dy schody.