Kiraŭniku Rady Zhurtavańnia biełarusaŭ śvietu mastaku Maračkinu dali 5 sutak
dadalisia fotazdymki
«A nia treba było łajacca matam kala Centralnaha RUUS stalicy», kažuć śviedki.
Alaksiej Maračkin asudžany pavodle art. 17-1 Administracyjnaha kodeksu. Akazvajecca, pavodle śviedkaŭ, mastak łajaŭsia matam kala Centralnaha RUUSu stalicy.
***
ZAJAVA
Uprava MHA «Zhurtavańnie biełarusaŭ śvietu «Baćkaŭščyna» vykazvaje abureńnie zatrymańniem i asudžeńniem na piać sutak administracyjnaha aryštu kiraŭnika Zhurtavańnia Alaksieja Maračkina. Jon byŭ zatrymany va ŭłasnaj majsterni napiaredadni Dnia Voli, 24 sakavika, uviečary.
Viadomaha mastaka, hramadskaha dziejača, adnaho ź vieteranaŭ adradženskaha ruchu ŭ Biełarusi abvinavačvajuć u łajancy kala budynku Centralnaha RAUS h.Minska.
Rasceńvajem hetyja dziejańni jak parušeńni maralnych i jurydyčnych normaŭ i patrabujem nieadkładna vyzvalić Alaksieja Maračkina.
Uprava MHA «ZBS «Baćkaŭščyna»
* * *
Pad dziasiatuju viečara ŭ majsterniu mastaka, kiraŭnika MHA "Zhurtavańnie biełarusaŭ śvietu "Baćkaŭščyna" Alaksieja Maračkina ŭvalilisia amapaŭcy.
Jany zabrali niekalki dziasiatkaŭ raściažak, padrychtavanych da Dnia Voli, a samoha mastaka aryštavali. Pra heta paviedamiła www.nn.by staršynia ŭpravy "Baćkaŭščyny" Alena Makoŭskaja.
Noč Alaksiej Maračkin pravioŭ u specpryjomniku-raźmierkavalniku na Akreścina.