U Viciebsku źjaviŭsia anty-Miron
Na balkonie ŭ apazycyjanera Barysa Chamajdy, kali haspadara nie było doma, niechta vyviesiŭ čyrvona‑zialony dziaržaŭny ściah z prymacavanaj da jaho cydułkaj.
Pavodle spadara Chamajdy, cydułka napisana pa‑biełarusku i maje taki źmiest: «U honar dziaržaŭnaha biełaruskaha ściaha. Słava sapraŭdnym patryjotam Ajčyny. Žyvie Kanstytucyja 1996 hodu! Žyvie viečna! Biełarus».
Barys Chamajda ličyć, što styl napisańnia hetaha zvarotu znarok stylizavany pad cydułki ad lehiendarnaha Mirona, a vyviesili čyrvona‑zialony ściah vorahi biełaruščyny. Apazycyjaner nie vyklučaje, što hetkim čynam jamu niechta pomścić za apazycyjnuju dziejnaść — u pryvatnaści, za toje, što jon peryjadyčna kamentuje źjaŭleńnie ŭ Viciebsku bieł‑čyrvona‑biełych «Mironavych» ściahoŭ.
Spadar Chamajda žyvie na druhim paviersie. Jon miarkuje, što ŭstalavać ściah u jaho na balkonie mahli abo admysłoŭcy‑alpinisty, abo heta rabiłasia pry dapamozie admysłovaj techniki. Adnak vyśviatlać akaličnaści — da prykładu, apytać susiedziaŭ abo źviarnucca ŭ milicyju, kab adšukać tych, chto niezakonna trapiŭ na jahony balkon, apazycyjaner nia ličyć patrebnym.