Prajšli šlacham Dnia Voli
Dadałosia videa
Lidery biełaruskaj apazycyi Lavon Barščeŭski, Anatol Labiedźka, Anatol Laŭkovič, Viktar Karniajenka, Viktar Ivaškievič, Alena Skryhan prajšli siońnia šlacham, jaki zajaŭlaŭsia na Dzień Voli. To bok, ad pomnika Jakubu Kołasu da pomnika Maksimu Bahdanoviču.
Akcyja pačałasia a 11:00 kala pomnika Jakubu Kołasu, udzielniki ŭskłali da manumenta biełyja i čyrvonyja hvaździki, a Lavon Barščeŭski začytaŭ adzin ź vieršaŭ klasyka. Lider AHP Anatol Labiedźka zaklikaŭ ludziej 30 sakavika pryjści na Kastryčnickuju płošču ŭ znak salidarnaści z tymi, chto paśla Dnia Voli adbyvaje pakarańnie na Akreścina.
Kalona svaboda prajšła da skveru Janki Kupały, dzie ŭskłała kvietki da pomnika paetu. Nasuprać muzeju Janki Kupały visieła raściažka na rasiejskaj movy, jakaja abviaščała, što ŭ budynku prachodzić vystava zbroi.
La pomnika Maksima Bahdanoviča staršynia Partyi BNF Lavon Barščeŭski pračytaŭ słavutuju «Pahonia». Na hetym akcyja skončyłasia.
Milicyja, jakaja supravadžała ŭdzielnikaŭ ciaham usiaho mierapryjemstva, nikoha nie zatrymlivała.
Pieršy šerah: Viačorka, Ivaškievič, Padhoł, Labiedźka, Barščeŭski, Žučkoŭ, Karniajenka |
Anatol Laŭkovič, Lavon Barščeŭski, Viktar Karniajenka, Anatol Labiedźka |
Videarepartaž Alesia Bondara i Jarasłava Ściešyka
Kali vy žadajecie hladzieć hetaje i inšyja videa "Našaj Nivy" ŭ lepšaj jakaści (i, mahčyma, z chutčejšaj zahruzkaj), klikajcie pa hetaj spasyłcy.
Spampavać fajł videa na kamputar možna pa hetaj spasyłcy (12,5 Mb). Dla hetaha treba kliknuć pa spasyłcy pravaj knopkaj myšy i vybrać "save target as" ("zachavać abjekt jak").
Dla taho, kab prahladzieć hety fajł, vam treba budzie spampavać luby FLV-płejer, naprykład hety.
Vy taksama možacie źmiaścić hetaje videa na vašym sajcie ci internet-dziońniku. Dla hetaha treba na videa nacisnuć na knopku "menu", skapijavać adpaviedny kod (paznačany embed) i ŭstavić jaho na svaju internet-staronku.