U Vaŭkavysku znojdzieny radyjeaktyŭny pradmiet ź pieravyšeńniem fonu ŭ 60 razoŭ
Na adkrytaj placoŭcy narychtoŭčaj kantory Vaŭkavyskaha filijała Hrodzienskaha abłasnoha spažyvieckaha tavarystva znojdzieny nieviadomy pradmiet ź pieravyšeńniem radyjacyjnaha fonu ŭ 60 razoŭ, paviedamlaje pres-słužba MNS.
Ab niebiaśpiečnaj znachodcy słužby vyratavańnia byli apavieščanyja 18 śniežnia. Mahutnaść dozy hama-vypramieńvańnia na adlehłaści 0,5 mietra ad pradmieta składaje 12 mkZv/h. Tolki na adlehłaści troch mietraŭ prybor pakazvaje dapuščalny ŭzrovień radyjacyi.
Kiraŭnictva pradpryjemstva rychtuje zajaŭku ŭ dziaržaŭnuju navukovuju ŭstanovu «Abjadnany instytut enierhietyčnych jadziernych daśledavańniaŭ «Sosny «dla vyznačeńnia vidu, typu krynicy, vyznačeńnia izatopnaha składu, aktyŭnaści znachodki.
Paśla praviadzieńnia daśledavańnia krynica budzie pieradadzienaja va UP «Ekares» dla dalejšaj utylizacyi, paviedamlaje MNS.