U Kijevie projdzie niezvyčajnaja biełaruskaja medyja-vystava
Na vystavie buduć pradstaŭlenyja fotaraboty reparcioraŭ Julii Daraškievič, Andreja Lankieviča, Ksienii Avimavaj, Natalli Kraŭčuk, Siarhieja Hryca j Viktara Suvorava. Dapoŭniać ekspazycyju televizar, jaki budzie bieśpierapynna demanstravać naviny biełaruskaha dziaržaŭnaha telekanału, i raskładka śviežaj presy ź Biełarusi .
U sieradu 2 krasavika ŭ Kijevie adčyniajecca medyja‑vystava «Susiedzi»
Pavodle zadumy arhanizataraŭ. vystava, jakaja projdzie ŭ ramkach festyvalu sučasnaj biełaruskaj kultury «Biełaruskaja viasna», dazvolić kožnamu naviedniku akunucca ŭ medyja‑prastoru, u jakim žyvuć biełarusy.
Na vystavie buduć pradstaŭlenyja fotaraboty reparcioraŭ Julii Daraškievič, Andreja Lankieviča, Ksienii Avimavaj, Natalli Kraŭčuk, Siarhieja Hryca j Viktara Suvorava. Televizar, jaki budzie bieśpierapynna demanstravać naviny biełaruskaha dziaržaŭnaha telekanału, i raskładka śviežaj presy ź Biełarusi dapoŭniać ekspazycyju.
Na adkryćci vystavy buduć prysutnicać znanyja ŭkrainskija j biełaruskija žurnalisty. a taksama aŭtary vystaŭlenych fatahrafij. Biełaruskija (fota)žurnalisty zmohuc raskazać pra svaje niaprostyja stasunki ź dziaržaŭnaj uładaj, u tym liku pra apošnija padziei 25 sakavika (razhon demanstracyi na Dzień Voli) i 27 sakavika (seryja pieratrusaŭ u pamiaškańniach žurnalistaŭ), śviedkami j udzielnikami jakich im daviałosia stać.
Vystava budzie ekspanavacca da 11 krasavika ŭ halerei RA (vuł. B. Chmielnićkoho 32).