Vialiki Brat pilnuje ciabie!
Sioleta na vulicach Miensku dadatkova ŭstanoviać 67 system videanazirańnia. Ciapier ich 57.
Pra heta 4 krasavika ŭ Minsku na pasiadžeńni kruhłaha stała paviedamiŭ načalnik upraŭleńnia achovy pravaparadku hałoŭnaha ŭpraŭleńnia pravaparadku i prafiłaktyki milicyi hramadskaj biaśpieki Ministerstva ŭnutranych spraŭ Alaksandr Barsukoŭ.
Pavodle jaho słoŭ, ciapier u Biełarusi funkcyjanuje bolš za 150 sistem videanazirańnia z vyvadam vyjavy na manitory apieratyŭna‑dziažurnych słužbaŭ orhanaŭ unutranych spraŭ abo pastoŭ departamienta achovy MUS. U Bresckaj vobłaści takich videasistem ustanoŭlena 10, u Viciebskaj — 25, u Hrodzienskaj — 4, u Homielskaj — 5, u Mahiloŭskaj — 39, Minskaj — 11. Najbolšaja kolkaść videasistem ustanoŭlena ŭ Minsku — 57.
Pavodle słoŭ A. Barsukova, sistemy videanazirańnia vykarystoŭvajucca dla dokazu vinavataści pravaparušalnikaŭ, ustanaŭleńnia asob, vinavatych va ŭčynieńni darožna‑transpartnych zdareńniaŭ.