N.R.M. za viasnu biaz strełaŭ!
Rok-karali Biełarusi, udzielniki słavutaha hurtu N.R.M., padtrymali kampaniju za zabaronu viesnavoha palavańnia na ptušak. Paśla akustyčnaha kancertu 3 krasavika ŭ mienskim klubie “Hrafici” Pit Paŭłaŭ, Alezis Dziemidovič i Juraś Laŭkoŭ pastavili svaje podpisy na arkušy z zaklikam suprać viasnovaha zabojstva husiej i kačak u našaj krainie. Lavon Volski razam z muzykami svajho inšaha hurtu “Krabambula” zrabiŭ heta jašče ŭ lutym.
Z usich krain Eŭropy tolki u Biełarusi i niekatorych abłaściach Rasiei možna stralać husiej i kačak uviesnu, u čas, kali jany viartajucca na svaje hniezdavyja terytoryi i prystupajuć da razmnažeńnia. Navat ŭ savieckija časy viasnovaje palavańnie było brakańjerstvam.
Kali ž paraŭnać terminy palavańnia, dyk tut Biełaruś vyhladaje siaredniaviečnaj krainaj navat u paraŭnańni z uschodniaj susiedkaj – ŭ nas možna stralać ptušak amal 60 dzion suprać 2--10 dzion u roznych rehijonach Rasiei.
Abaroncy dzikich ptušak ŭžo sabrali bolš 10 000 podpisaŭ žycharoŭ našaj krainy za toje, kab ptuški ŭviesnu ŭ Biełarusi čuli siabie biaśpiečna.