Baćka Žanny Fryskie: Pra Šepieleva navat słuchać nie chaču, jon ni kapiejki nie atrymaje sa spadčyny
Dniami ŭ Maskvie raspačaŭsia sudovy praces pa raździełu majomaści Žanny Fryskie pamiž jaje baćkami, niepaŭnaletnim synam Płatonam i jaje hramadzianskim mužam, televiadučym Dźmitryjem Šepielevym. Sud taksama maje vyznačyć paradak znosin baćkoŭ pamierłaj śpiavački z unukam Płatonam.
Miarkujecca, što sud budzie ciahnucca bolš za hod.
Uładzimir Fryskie i Dźmitryj Šepieleŭ. Fota: Dni.Ru
Televiadučy choča pakinuć sabie asabniak u Padmaskoŭi, u jakim ciapier žyvie sa svaim synam, a kvateru ŭ Maskvie addać rodnym śpiavački. Asobnym punktam pahadnieńnia stanie mahčymaść dla dziaduli z babulaj bieśpieraškodna bačycca z maleńkim Płatonam.
Advakat Michaiła Fryskie nastojvaje na tym, što Dźmitryj naohuł nijakaha dačynieńnia da spadčyny Žanny Fryskie nie maje. Pavodle jaho słoŭ, adzinym spadkajemcam Žanny Fryskie źjaŭlajecca jaje syn Płaton.
U suviazi z pačatkam sudu baćka Fryskie, Uładzimir Barysavič, zajaviŭ vydańniu «Sobiesiednik»: «Raniej sprabavaŭ ź Dzimam damovicca: «Kali chočaš, zabiraj dom Žanny ŭ Padmaskoŭi, tolki daj z unukam mieć stasunki», jon sam chacieŭ jaho pakinuć sabie. Šepieleŭ ciapier jaho dabudoŭvaje na hrošy majoj dački.
Ciapier ja jamu ničoha nie addam. Čamu ja pavinien handlavać rečami Žanny dziela stasunkaŭ z unukam?
Šepieleŭ nie vychodzić sa mnoj na suviaź, ale ja ŭžo i nie sprabuju ź im pahavaryć. Jon mianie nie cikavić. Navat kali b pryjšoŭ i paprasiŭ prabačeńnia, dyk ciapier ja b hetyja prabačeńni ŭžo nie pryniaŭ. Adzinaje, što mnie nieabchodna — vyznačeńnie paradku sustreč z Płatonam.
Pra Šiepieleva navat słuchać nie chaču, jaho niama ŭ žyćci majoj siamji. Jon ni kapiejki nie atrymaje sa spadčyny dački.
Ja i maje advakaty ŭsio zrobim, kab dom u Padmaskoŭi i kvatera ŭ centry Maskvy, jakija byli nabytyja na hrošy Žanny, atrymaŭ Płaton paśla paŭnalećcia. Sudovy praces zaciahniecca nie mienš jak na hod. Ciapier usia spadčyna aryštavanaja, pakul Dzima nie projdzie praceduru zdačy testu DNK, kab dakazać svaje pravy».
Pavodle zakonu, Šepieleŭ moža admovicca ad pracedury ŭstanaŭleńnia baćkoŭstva, bo aficyjna zapisany jak baćka dziciaci.