Nie ŭ ZAHS, a ŭ turmu: vyniesieny prysud 27-hadovamu chłopcu, jaki źbiraŭsia ažanicca ź ciažarnaj 14-hadovaj školnicaj
Sud Śvietłahorskaha rajona vynies prysud pa kryminalnaj spravie ŭ dačynieńni da žychara, ad jakoha zaciažaryła 14-hadovaja školnica. Jaho pryznali vinavatym u pałavych znosinach z asobaj, jakaja nie dasiahnuła 16-hadovaha ŭzrostu.
Mužčynu pryznačyli pakarańnie ŭ vyhladzie pazbaŭleńnia voli na try hady. Bližejšyja niekalki hadoŭ jon praviadzie ŭ papraŭčaj kałonii va ŭmovach ŭzmocnienaha režymu. Choć pieršapačatkova budučy baćka źbiraŭsia ažanicca ź dziaŭčynaj. Uvohule, mužčynu charaktaryzujuć stanoŭča — nie sudzimy, nie pje, jość dom, mašyna, spraŭna płacić alimienty na dzicia ad pieršaha šlubu. Ale heta nie pazbaviła jaho ad adkaznaści.
Pavodle infarmacyi tut.by, zusim pa-inšamu charaktaryzujuć siamju toj školnicy. Jaje starejšyja brat i siastra — u turmie. Baćku zabili jašče ŭ 2008 hodzie. Maci bolšuju častku svajho žyćcia pryśviaciła ałkaholu. Paru hadoŭ tamu jaje pazbaŭlali baćkoŭskich pravoŭ, dačku tady afarmlali ŭ prytułak. Adnak potym žančyna zakadziravałasia, naviała paradak u chacie i viarnuła dačku. Praŭda, paśla hetaha, sa słoŭ susiedziaŭ, žyćciovy ŭkład siamji mała źmianiŭsia. Maci praciahvała papivać, a pakinutaja biez uvahi dziaŭčynka - žyć svaim žyćciom.
Dziaŭčynka pavinna naradzić praz dva miesiacy. Jana niepaŭnahadovaja, tamu dzicia pieradaduć jaje zakonnamu pradstaŭniku, to bok jaje maci. Uličvajučy minułaje budučaj babuli, śpiecyjalisty kamisii pa spravach niepaŭnaletnich majuć namier bolš pilna sačyć za situacyjaj u siamji.
Baćka ž pabačyć dzicia tolki praz try hady.