Miaśnikovič nahadaŭ pra toje, što pieratvaraje hrupu ludziej u nacyju
Pamiać ab svaich karaniach i pavaha da kultury rodnaj krainy pieratvarajuć hrupu ludziej u nacyju, zajaviŭ siońnia staršynia Savieta Respubliki Nacyjanalnaha schodu Michaił Miaśnikovič na sustrečy z kalektyvam Viciebskaha dziaržaŭnaha miedycynskaha ŭniviersiteta.
Asnoŭnaja tema razmovy była pryśviečana Hodu kultury ŭ Biełarusi. «Ja nie prytrymlivajusia pazicyi kasmapalita, takoha «pierakaci-pole». Čałaviek pavinien mieć i pamiatać svaje karani, svaju kulturu, movu, pavažać heta. Tady my nacyja, narod, a nie prosta hrupa ludziej. Dziakujučy padtrymcy kiraŭnika dziaržavy ŭdałosia zachavać i raźvić asnoŭnyja dasiahnieńni ŭ śfiery kultury», — adznačyŭ Michaił Miaśnikovič.