Łukašenka: Mužyk u 60 hadoŭ — heta koń, jakim jašče možna arać
Pra heta kiraŭnik krainy zajaviŭ na naradzie va ŭradzie nakont mahčymaści pavyšeńnia piensijnaha ŭzrostu.
BiełTA
Alaksandr Łukašenka adznačyŭ, što siaredniaja praciahłaść žyćcia ŭ krainie pavialičyłasia ŭ paraŭnańni z 90-mi hadami minułaha stahodździa. «Tamu 55—60 hadoŭ — heta narmalny ŭzrost. I skažy žančynie, što jana staraja ŭ 55 hadoŭ abo piensijanierka! Słuchajcie, pakryŭdzicca! A kali my prapanujem: kali ty nie staraja, nie piensijanierka, davaj papracuj — inšaje niejkaje mierkavańnie. Toje ž samaje i pra mužykoŭ možna skazać. Jany demanstratyŭna nie kryŭdziacca, ale ŭ dušy. U 60 hadoŭ mužyk — heta koń, jakim možna jašče arać i płuham nie ŭ adzin korpus, a ŭ try korpusy začapić i paciahnie», — skazaŭ kiraŭnik dziaržavy.
«Nie chaču ŭžo tut kazać ab našych słavutych pradstaŭnikach siłavych struktur, jakija siońnia, u pryncypie, u 45 hadoŭ mohuć syści na piensiju. 90% ź lišnim mohuć syści ŭ 45 hadoŭ na piensiju. I što ž heta za piensijanier u 45 hadoŭ?! Dumaju, budzie spraviadliva, kali pytańnie pavyšeńnia piensijnaha ŭzrostu zakranie ŭsich», — skazaŭ kiraŭnik krainy.