U Miensku zatrymanyja za narkotyki studenty

Raspačata kryminalnaja sprava, student, a taksama studentka peduniversytetu, jakija nibyta pryvieźli ź Vilni 693 tabletki MDA (3,4‑mietylendyjaksiamfietamin), źmieščanyja ŭ izalatar časovaha ŭtrymańnia.

Kryminalnaja sprava pa č. 3 art. 328 (niezakonny abarot narkatyčnych srodkaŭ, psichatropnych rečyvaŭ i prekursoraŭ) raspačata 18 krasavika ŭ dačynieńni da 23‑hadovaj studentki Biełaruskaha dziaržaŭnaha piedahahičnaha univiersiteta imia Maksima Tanka I. i 24‑hadovaha studenta Jeŭrapiejskaha humanitarnaha univiersiteta (Vilnius) A., žycharoŭ Minska.

Jak paviedamili va UUS Minabłvykankama, maładyja ludzi byli zatrymany ŭ Minsku 17 krasavika pry praviadzieńni apieratyŭna‑vyšukovych mierapryjemstvaŭ pa spynieńni kanała pastaŭki narkatyčnych srodkaŭ i psichatropnych rečyvaŭ na terytoryju Biełarusi. Zatrymańnie pravodzili supracoŭniki słužbaŭ pa narkakantroli i supraćdziejańni handlu ludźmi Barysaŭskaha RUUS, UUS Minabłvykankama, MUS, śpiecpadraździaleńnia pa baraćbie z teraryzmam «Ałmaz» MUS sumiesna z vajskoŭcami pahranvojskaŭ.

Ustanoŭlena, što zatrymanyja, budučy ŭ Vilniusie, sumiesna ź jašče adnym studentam EHU, minčaninam 1985 hoda naradžeńnia, V. z 14 pa 17 krasavika nabyli ŭ nieviadomaj asoby pry nieŭstanoŭlenych akaličnaściach 693 tabletki MDA (3,4‑mietylendyjaksiamfietamin) ahulnaj vahoj 217,2693 hrama. Sintetyčny narkotyk jany ŭvieźli hramadskim transpartam u Biełaruś, u Minsk, z metaj dalejšaj realizacyi.

Zatrymanyja źmieščany ŭ izalatar časovaha ŭtrymańnia. Miera strymańnia ŭ dačynieńni da V. nie abirałasia.

Viačasłaŭ Budkievič, BiełaPAN

Kamientary da artykuła