Mitrapalit Kandrusievič asudziŭ rezalucyju PARE ab poŭnaj lehalizacyi abortaŭ
«Pryniataja rezalucyja — heta prava na biespraŭje ŭ adnosinach da nienarodžanych dziaciej»
Jak paviedamiŭ BiełaPAN adkazny za ŚMI pry sakrataryjacie Kanfierencyi katalickich biskupaŭ u Biełarusi ksiondz Alaksandr Amialčenia, padčas kazani, jakaja adbyłasia 21 krasavika ŭ Minskim archikatedralnym kaściole Najśviaciejšaj Panny Maryi, arcybiskup nazvaŭ rezalucyju PASIE ab poŭnaj lehalizacyi abortaŭ «amaralnaj i antyhumannaj».
«Jak padkreśliŭ mitrapalit, «jeŭrapiejskija parłamientaryi kažuć, što ŭsio heta robicca dla zachavańnia pravoŭ čałavieka. Na samaj spravie pryniataja rezalucyja — heta prava na biespraŭje ŭ adnosinach da nienarodžanych dziaciej».
Arcybiskup Tadevuš Kandrusievič nahadaŭ, što pavodle kananičnaha prava katalickaha kaścioła abort u lubym vypadku źjaŭlajecca ciažkim hrachom, nastupstvami jakoha buduć kaściolnyja kary», — skazaŭ A.Amialčenia.