Vobraz IVANa na scenie «Jeŭrabačańnia» buduć uzhadniać Biełteleradyjokampanija i JEVS
Vobraz pradstaŭnika Biełarusi na scenie «Jeŭrabačańnia-2016» IVANa buduć uzhadniać Biełteleradyjokampanija i Jeŭrapiejski viaščalny sajuz. Pra heta paviedamiła kiraŭnik pres-słužby Biełteleradyjokampanii Śviatłana Smałonskaja-Kraskoŭskaja.
Pavodle jaje słoŭ, u adpaviednaści z pałažeńniem ab nacyjanalnym adbory na hety mižnarodny konkurs Biełteleradyjokampanija ažyćciaŭlaje arhanizacyjnyja i arhanizatarskija funkcyi, a pradziusierski centr Viktara Drobyša, čyim padapiečnym źjaŭlajecca IVAN (Alaksandr Ivanoŭ), zajmajecca tvorčym bokam padrychtoŭki artysta. Prapanujucca i abmiarkoŭvajucca roznyja varyjanty vobrazu vykanaŭcy. Heta nie značyć stoadsotkava, što vobraz hołaha artysta ŭ atačeńni drapiežnikaŭ, jaki uzarvaŭ internet, vyznačany dla sceny.
Kančatkovy varyjant budzie ŭzhadniacca ź Biełteleradyjokampanijaj i arhanizataram konkursu Jeŭrapiejskim viaščalnym sajuzam, skazała Śviatłana Smałonskaja-Kraskoŭskaja.