Pamior zasnavalnik Intel Endru Hroŭv
NY Times
U ZŠA va ŭzroście 79 hadoŭ pamior zasnavalnik kampanii Intel Endru Hroŭv, havorycca ŭ aficyjnaj zajavie kampanii.
Intel nie ŭdakładniła pryčyny śmierci biznesmena, tym nie mienš viadoma, što ŭ apošnija hady jon pakutavaŭ ad chvaroby Parkinsana, paviedamlaje Rejter.
U 1990-ja hady Hroŭv chvareŭ na rak prastaty, dapaŭniaje Asašyejted pres.
Hroŭv zasnavaŭ kampaniju ŭ 1968 hodzie i staŭ jaje pieršym rabotnikam.
Jaho paśpiachovaja rabota spryjała tamu, što pracesary Intel Inside apynulisia bolš čym u 80% piersanalnych kampjutaraŭ u śviecie. Jon pracavaŭ u Intel na praciahu 37 hadoŭ.
Pry Hroŭv Intel ŭ 1971 hodzie stvaryła svoj pieršy kamiercyjny mikrapracesar.
U 1997 hodzie časopis Time nazvaŭ Hroŭva čałaviekam hoda.
Jon taksama źjaŭlajecca aŭtaram niekalkich knih pa mieniedžmiencie.
Hroŭv naradziŭsia ŭ 1936 hodzie ŭ Budapiešcie ŭ jaŭrejskaj siamji. Jon pieražyŭ nacysckuju akupacyju. Paśla ŭvarvańnia SSSR u Vienhryju Hroŭv źbieh u Aŭstryju, a zatym adtul emihravaŭ u ZŠA.