Zboj u pracy płastykavych kartak u Biełarusi
«Nie mahu z ranicy ni hrošy ŭ bankamacie źniać, ni kartkaj raspłacicca!» — pišuć u internecie aburanyja biełarusy.
Miarkujučy pa ŭsim, pryčyna — u zboi pracy Bankaŭskaha pracesinhavaha centra, jaki absłuhoŭvaje bolšaść apieracyj pa kartkach. U čym pryčyna zboju i kali ŭdasca jaho likvidavać, pakul nieviadoma.
Pakul banki tolki sami papiaredžvajuć svaich klijentaŭ, što zaraz niemahčyma ni źniać hrošy z płastyka, ni raspłacicca kartkaj u kramie abo internecie.
— Pavažanyja klijenty! U pracy z apłatnymi kartkami nazirajucca zboi. Prynosim prabačeńni i rekamiendujem ažyćciaŭlać apieracyi paźniej, — kaža aŭtaadkazčyk ŭ kantakt-centry Biełarusbanka.
A BPS-Śbierbank daje na svaim sajcie takoje tłumačeńnie:
— U suviazi z technałahičnymi rabotami 22.03.2016 z 10-00 mahčymyja pieraboi ŭ pracy dadatkaŭ Śbierbank Anłajn, Mabilny bank, infakijoskaŭ i bankamataŭ Banka.