Abama i Kastra abmianialisia dziŭnym pociskam ruki
Padčas pres-kanfierencyi prezidenta ZŠA Baraka Abamy i kiraŭnika Kuby Raula Kastra lidary dźviuch krain nie zrazumieli adzin adnaho.
Jany abmianialisia dziŭnym pociskam ruki, paviedamlaje telekanał ABC.
Pakolki prajšło 88 hadoŭ z taho času, kali prezident Złučanych Štataŭ byŭ na Kubie, to mnostva kamier byli źviernutyja na Abamu i Kastra ŭ čakańni histaryčnaha pocisku ruki dvuch lidaraŭ. Tym nie mienš Abama i Kastra, vierahodna, nie zrazumieli adzin adnaho, z-za čaho pocisk ruki vyjšaŭ dziŭnym.
Miarkujecca, što ŭ momant pocisku ruki Kastra pierachapiŭ ruku Abamy, pasprabavaŭšy padniać jaje ŭvierch u znak pieramohi i pakazać ścisnutyja kułaki, adzin ź simvałaŭ kubinskaj revalucyi. Ale prezident ZŠA zamiest hetaha spakojna pakinuŭ svaju ruku, zapiaście jakoj tak i praciahvaŭ trymać lidar Kuby.
Jość taksama viersija, što Abama sprabavaŭ u hety momant paplaskać Kastra pa plačy, ale toj pieraškodziŭ Abamie heta zrabić.
22 sakavika prezident ZŠA Barak Abama zaviaršyŭ dvuchdzionny aficyjny vizit na Kubu.