Ukrainskaja armija moža pierajści na standarty NATA praz 3 hady
Hruzinski bryhadny hienierał Hieorhi Kałandadze, jaki ciapier zajmaje pasadu daradcy kamandujučaha Nacyjanalnaj hvardyjaj Ukrainy, raspavioŭ pra svajo bačańnie reformy ŭkrainskich Uzbrojenych Sił.
Hieorhi Kałandadze ŭ 2011 hodzie ŭ hruzinskaj uniformie. Fota lenta.ru
Pieradusim heta pierachod na standarty NATO ŭ sistemie kiravańnia apieracyjami, sistemach suviazi, fiłasofii bajavych dziejańniaŭ, skazaŭ vajskoviec u intervju dla «Ukrainskaj praŭdy».
«Važna razumieć — hety pierachod niemahčymy bieź jakasna padrychtavanych vajskoŭcaŭ. Pieršaje — treba adpraŭlać aficeraŭ u zachodnija VNU i potym pryznačać hetych aficeraŭ na kamandnyja pasady. Druhoje — kaniešnie, patrebnaja vialikaja kadravaja čystka», — skazaŭ hienierał, jaki ź leta 2014 hoda dapamahaŭ u padrychtoŭcy ŭkrainskich vajskoŭcaŭ.
«Pierachod (na standarty NATA) pavinien zaniać maksimum try hady», — adznačyŭ jon.
Padčas rasijska-hruzinskaj vajny Kałandadze kiravaŭ piachotnaj bryhadaj, u 2012 hodzie byŭ načalnikam Abjadnanaha štabu Uzbrojenych Sił Hruzii.