Partyju «Pravoje dieło» z błasłavieńnia Kramla pierajmienavali ŭ «Partyju rostu»
26 sakavika ŭ Maskvie prajšoŭ pazačarhovy źjezd partyi «Pravoje dieło». Jana źmianiła nazvu na Partyju rostu i zaćvierdziła novuju simvoliku — siniuju strełačku.
Jaje prahrama — «Ekanomika rostu» — była napisana lidaram partyi Barysom Citovym razam z praimpierskim ekanamistam Siarhiejem Hłaźjevym, jaki raniej byŭ deputatam Dumy ad Kampartyi.
«U Partyi rostu praktyčna nichto nie krytykuje kiraŭnictva krainy, — piša sajt «Mieduza», — bolš za toje, Citoŭ pryznavaŭsia, što ŭzhadniaŭ svoj pachod u palityku ź pieršym namieśnikam kiraŭnika administracyi prezidenta Rasii Viačasłavam Vałodzinym. Papiarednija dva ŭmoŭna libieralnyja prajekty Kramla, jakimi kiravaŭ Michaił Procharaŭ — «Pravaja sprava» i «Hramadzianskaja płatforma» — pravalilisia», — adznačaje «Mieduza».