Z terytoryi pradpryjemstva ŭ Ašmianach za noč skrali amal tonu salarki
Piaciora złamyśnikaŭ za noč vynieśli z terytoryi pradpryjemstva ŭ Ašmianach amal tonu dyzielnaha paliva, paviedamili ŭ pres-słužbie UUS Hrodzienskaha abłvykankama.
Čaćviora miascovych i žychar Homielskaj vobłaści zaprykmiecili na stajancy pradpryjemstva dva hruzavyja aŭtamabili. Na praciahu ŭsioj nočy jany pierałazili praz płot i źlivali ź niezakrytych bakaŭ paliva. Zdabyli takim čynam amal tonu salarki.
Supracoŭniki kryminalnaha vyšuku vyličyli złamyśnikaŭ. Adzin ź ich, jak vyśvietliłasia, raniej byŭ sudzimy za anałahičnaje złačynstva.
Raspačataja kryminalnaja sprava pa č.2 art.205 KK (kradziež, učynieny paŭtorna abo hrupaj asob). Sankcyja pa hetym artykule praduhledžvaje da 4 hadoŭ pazbaŭleńnia voli.