Hiendyrektar «Krynicy»: «Nieabchodna ŭparadkavać uvoz piva ŭ Biełaruś»
«Va ŭviadzieńni vyklučnaha prava dziaržavy na impart piva. ja nia baču ničoha niehatyŭnaha», kaža Ryhor Piatkievič.
«Kali adsutničajuć miežy z Rasijaj, jość mahčymaść svabodnaha ŭvachodžańnia na biełaruski rynak suśvietnych marak piva ad roznych pastaŭščykoŭ, idzie kankurentnaja baraćba, niedzie i niadobrasumlennaja», — zaznačyŭ jon. — Chaciełasia b spynić taki bum na piŭnych palicach i ŭparadkavać rynak».
«Va ŭviadzieńni vyklučnaha prava dziaržavy (na impart piva. — BiełaPAN.) ja nie bačyŭ ničoha niehatyŭnaha. Spažyviec maje prava vybaru, ale dziaržava vyjhraje ŭ atrymańni dachodaŭ», — ličyć hienieralny dyrektar.
«Treba pahladzieć, chto zavozić piva, ci majuć jany takuju ž dachodnaść, jak biełaruskija vytvorcy. Kali majuć — honar i chvała takim pastaŭščykam», — skazaŭ R.Piatkievič. Pavodle jaho słoŭ, «siońnia chto tolki nie ŭvozić piva — i indyvidualnyja pradprymalniki, i PUPy».
Hiendyrektar «Krynicy» vykazaŭ mierkavańnie, što, kali navieści paradak, naŭrad ci budzie taki napłyŭ impartnaj pradukcyi ŭ respubliku.
R.Piatkievič ličyć, što idzie «kankurentnaja, ale nie zaŭsiody dobrasumlennaja baraćba i na palicach mahazinaŭ». Pryčym udzielnaja vaha impartnaha piva ŭ Biełarusi składaje 25—30%, u mahazinach pradajecca da 50% impartnaha piva.
Jon źviarnuŭ uvahu na toje, što impartnaje piva ŭ Biełarusi realizujecca pa bolš nizkich cenach, čym u krainie vyrabu.
«Uvachodžańnie ŭ rynak zaŭsiody źviazana z cenavym panižeńniem, z punktu hledžańnia kankurencyi heta narmalny vyvierany chod, ale dla biełaruskich vytvorcaŭ heta adčuvalna», — skazaŭ R.Piatkievič.
Jon zaznačyŭ, što pry vialikim asartymientnym nasyčeńni rynku AAT «Krynica» ŭtrymlivaje svaje pazicyi. «My da novaha siezona ŭparadkujem źniešniaje afarmleńnie svajoj pradukcyi i pastavim jaje ŭ adzin rad z tymi, chto strakacić na pryłaŭkach», — zajaviŭ kiraŭnik pradpryjemstva.