Prahnoz na vychodnyja: ciopła, ale daždžliva
Delfi.lt
U vychodnyja Biełaruś budzie znachodzicca pad upłyvam frantalnych raździełaŭ i ciopłaj pavietranaj masy, jakaja pastupaje z paŭdniovaha zachadu Jeŭropy. Na bolšaj častcy Biełarusi daždžy, najbolš intensiŭnyja čakajucca pa paŭnočnym zachadzie krainy, miescami navalnicy.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Tempieratura pavietra ŭ subotu, 9 krasavika, nočču +6 + 12°S; maksimalnaja dniom +15 + 21°S, pa paŭdniovym uschodzie da + 23°S, u paŭnočna-zachodnich rajonach +9 + 14°S.
U Minsku ŭ subotu nočču čakajecca doždž, dniom - karotkačasovy doždž, mahčyma navalnica. Viecier pieramiennych napramkaŭ 5-10 m / s, pry navalnicy paryvy da 14 m/s. Tempieratura nočču +8 +10, dniom +17 + 19°S.
U niadzielu, 10 krasavika, tempieratura nočču +6 + 13°S, maksimalnaja dniom +16 + 23°S, pa paŭdniovym uschodzie da + 25°S, u paŭnočna-zachodnich rajonach +10 + 15°S.
U stalicy prahnazujecca karotkačasovy doždž, mahčyma navalnica. Viecier pieramiennych napramkaŭ 5-10 m/s, pry navalnicy paryvy da 14 m / s. Tempieratura nočču +10 +12, dniom — +18 +20.
U pačatku nastupnaha tydnia nadvorje ŭ krainie buduć vyznačać, hetak ža atmaśfiernyja franty, za jakimi na terytoryju našaj krainy pačnie pastupać umierana-ciopłaja pavietranaja masa z Zachodniaj Jeŭropy.
Ustalujecca bolš śviežaje nadvorje i tempieratura krychu panizicca.
U paniadziełak na bolšaj častcy terytoryi daždžy, miescami navalnicy. Tempieratura pavietra minimalnaja nočču +5 + 12°S; maksimalnaja dniom +11 + 18°S, pa paŭdniovym uschodzie da + 21°S, u paŭnočna-zachodnich rajonach +7 + 10°S.