Junaki praviali akcyju ŭ padtrymku aryštavanych antyfašystaŭ prosta pad ścienami Śledčaha kamiteta
Siońnia prajšła čarhovaja akcyja ŭ padtrymku aryštavanych antyfašystaŭ la budynka Upraŭleńnia Śledčaha kamiteta pa horadzie Minsku, što na vulicy Sapioraŭ. Chłopiec paviesiŭ pad voknami raściažku z nadpisam «Łapy preč ad antyfašystaŭ» i zapaliŭ kalarovy fajer dla pryciahnieńnia ŭvahi.
Akcyja prachodziła pry kancy pracoŭnaha dnia, pobač prachodzili dva supracoŭniki Śledčaha kamiteta ŭ štackim, jany zaŭvažyli pierformans i zatrymali chłopca. Na jaho skłali pratakoł u mašynie dy adpuścili.
Budynak Śledčaha kamiteta.
Za kratami śledčaha izalatara pa vulicy Vaładarskaha ciapier znachodziacca troje raniej aryštavanych antyfašystaŭ: Vadzim Bojka, Illa Vałovik i Źmicier Cichanovič.
Nahadajem, 23 sakavika prajšło bolš za 20 vobšukaŭ u kvaterach minskich antyfašystaŭ. Pieratrusy byli źviazanyja z kryminalnaj spravaj, zaviedzienaj amal 2 hady tamu.
Akcyi pratestu stali rehularnyja, apošniaja prajšła na pačatku tydnia la SIZA pa vulicy Vaładarskaha.