Barak Abama nazvaŭ svaju hałoŭnuju palityčnuju pamyłku
Prezident ZŠA Barak Abama nazvaŭ svajoj hałoŭnaj pamyłkaj na pasadzie drennaje płanavańnie apieracyi ŭ Livii. Zajava prezidenta prahučała ŭ intervju prahramie Fox News Sunday 10 krasavika.
nationalreview.com
Pa słovach Abamy, jon nie zmoh spłanavać toje, što adbyłosia paśla ŭvarvańnia zachodnich vojskaŭ u Liviju. Pry hetym sama interviencyja była «pravilnym rašeńniem».
Abama taksama zajaviŭ, što najlepšym na pasadzie prezidenta staŭ dzień, kali prajšoŭ jaho zakonaprajekt ab reformie achovy zdaroŭja, a najhoršym — dzień padarožža ŭ Ńjutaŭn paśla stralaniny ŭ škole ŭ Sendzi-Chuk.
***
U Livii ŭ pačatku 2011 hoda pačałasia hramadzianskaja vajna. U sakaviku 2011 hoda była sfarmiravana mižnarodnaja kaalicyja z udziełam ZŠA, jakaja ŭstanaviła nad Livijaj zabaronienuju dla palotaŭ zonu i nanosiła avijaŭdary pa pazicyjach łajalnych Muamaru Kadafi vojskaŭ. Da pačatku vosieni 2011 hoda pad kantrolem Kadafi zastavałasia tolki niaznačnaja častka terytoryi Livii. 20 kastryčnika Kadafi byŭ zabity ŭ horadzie Sirt.
Paśla hibieli Kadafi ŭ Livii praciahnulisia ŭzbrojenyja sutyknieńni pamiž roznymi hrupoŭkami, a zakonnaj uładaj u krainie siabie abviaścili adrazu dva ŭrady, jakija bazavalisia ŭ Trypali i ŭ Tabruku. Z 2014 hoda na poŭnačy Livii dziejničajuć bajeviki «Isłamskaj dziaržavy».