Pračnuŭsia, pačaŭ chadzić pa spalni, adkryŭ akno i skočyŭ uniz — pravodzicca pravierka pa fakcie hibieli 37-hadovaha mužčyny
Pinski mižrajonny adździeł Śledčaha kamiteta vyśviatlaje akaličnaści hibieli 37-hadovaha mužčyny.
Jak paviedamiŭ aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, ranicaj 22 krasavika ŭ Pinsku mužčyna vypaŭ z akna svajoj kvatery, raźmieščanaj na piatym paviersie.
Trahiedyja zdaryłasia na vačach u jaho žonki. Jak rastłumačyła žančyna, uviečary 21 krasavika muž znachodziŭsia ŭ stanie ałkaholnaha apjanieńnia. Pryblizna ŭ 22.40 jon loh spać. Prykładna ŭ 5.00 22 krasavika muž pračnuŭsia, pačaŭ chadzić pa spalni, zatym adkryŭ akno i skočyŭ uniz.
Žančyna vyklikała chutkuju dapamohu. Miedyki kanstatavali śmierć jaje muža.
Padčas pieršapačatkovych pravieračnych mierapryjemstvaŭ apytanyja rodnyja i susiedzi zahinułaha, praviedzieny ahlad miesca zdareńnia, pryznačanaja sudova-miedycynskaja ekśpiertyza. Pieradśmiarotnych zapisak nie znojdziena.
Mužčyna aficyjna nidzie nie pracavaŭ, žyŭ z žonkaj i ich sumiesnym dziciem.