Honka na džypach dla ŭsich achvotnych
Spabory projduć u ramkach aŭtavystavy «Mienski aŭtasałon» kala Futbolnaha maniežu.
Spabory projduć u ramkach aŭtavystavy «Mienski aŭtasałon» kala Futbolnaha maniežu.
4 maja ŭ Minsku adbuducca aŭtmabilnyja spabornictvy pa džyp-tryjale. Mierapryjemstva projdzie ŭ ramkach aŭtamabilnaj vystavy «Minski aŭtasałon» kala spartyŭnaha kompleksu «Futbolny maniež».
U spabornictvach mohuć uziać udzieł usie žadajučyja na svaich zadarožnikach i kvadracykłach. Udzielniki buduć padzieleny na try hrupy: amatary — na zvyčajnych poŭnapryvadnych aŭtamabilach, prafiesijanały — na padrychtavanych džypach i hrupa dla kvadracyklistaŭ.
Svoj udzieł užo paćvierdzili pieramožcy Kubka pa džyp-tryjale, a taksama zarehistravalisia novyja ŭdzielniki. Usiaho čakajecca na starcie kala 25 ekipažaŭ.
Sudździ nie prytrymlivajucca strohich tryjalnych praviłaŭ, i pierad spartsmienami staić tolki adna zadača — pieraadoleć siekcyju.
Praviły spabornictvaŭ vielmi prostyja. Zadača ekipaža — prajechać siekcyju ŭ adviedzieny limit času, nabraŭšy pry hetym minimalnuju kolkaść štrafnych ačkoŭ. Maršrut ruchu pa siekcyi kožny ekipaž vyznačaje samastojna, a štrafnyja ački naličvajucca tolki za zakranańnie stvorak varot, stužki aharodžvańnia siekcyi, a taksama za nie projdzienyja varoty. Udzielniki mohuć vychodzić z aŭtamabila i dapamahać lubymi padručnymi srodkami prajazdžać ciažkaprachodnyja miescy na trasie.