Džulija Robierts za čatyry dni zdymak atrymała $3 miljony
Papularnaja amierykanskaja aktrysa Džulija Robierts za zdymki ŭ karcinie «Niaznosnyja łedzi» atrymała $3 miljony, paviedamlaje Variety. Viadoma, što ŭ karcinie 48-hadovaja znakamitaść vykanała rolu druhoha płana.
Charakterna, što aktrysa spraviłasia sa svajoj pracaj na zdymačnaj placoŭcy za čatyry dni, takim čynam, kožny dzień jaje pracy abyšoŭsia kiraŭnikam prajekta ŭ $750 tysiač. Takim čynam, Džuliju Robierts pa pravie možna ličyć adnoj z samych vysokaapłatnych halivudskich zorak.
Nahadajem, znachodziačysia na viaršyni słavy, Robierts atrymała $20 miljonaŭ za zdymki ŭ filmie «Eryn Brokavič».
Niahledziačy na dobry prybytak ad udziełu ŭ filmie Džulii Robierts, u cełym karcina «Niaznosnyja łedzi» nie vyklikała ažyjatažu ŭ prakacie. Krytyki pieršapačatkova ŭspryniali jaje davoli choładna i nie źmianili svajoj dumki paśla vychadu stužki na šyroki ekran.