Kazulin nia budzie padavać u sud na Łukašenku
Abrazy ŭ svoj bok jon sustreŭ apladysmentami.
Alaksandar Kazulin |
Siońnia ŭ viciebskaj papraŭčaj kalonii № 3 zavieršyłasia trochdzionnaja sustreča Alaksandra Kazulina z dočkami Volhaj dy Julaj, a taksama unukam Uładzisłavam.
Jak paviedamiła Polskamu radyjo dačka palitviaźnia Volha, stan zdaroŭja baćki zadavalniajučy:
Jon vielmi aktyŭny, adčuvaje siabie dobra. Kali ja zapytałasia pra zdaroŭje, jon adkazaŭ mnie: «Jakoje moža być zdaroŭje ŭ turmie?». Kali ŭličvać jahonuju sytuacyju, to zdaroŭje stabilnaje.
Da Alaksandra Kazulina dajšli taksama abrazy Łukašenki ŭ jahony adras. Nahadaje, što padčas Pasłańnia da narodu kiraŭnik krainy abazvaŭ Kaŭulina «vašyvym palitviaźniem» i «tualetnaj papieraj», dadaŭšy, što «ŭ hetym čałavieku niama ničoha śviatoha».
V. Kazulina: Baćka ŭściešyŭsia j paplaskaŭ u dałoni. Łukašenka ŭ čarhovy raz, u emocyjach «zdaŭ siabie z hałavoj». Jon skazaŭ, što jamu škada Łukašenku, i kali biazbožnik havaroć pra Boha, to heta ŭražvaje. Łukašenka sam vyznačyŭ svoj strach pierad nadychodziačymi padziejami, jon sam daŭ prahramu Eŭropie j Amerycy, što treba rabić.
Alaksandar Kazulin nia maje namieru padavać u sud na Łukašenku za abraźlivyja słovy, pakolki, jak vyraziŭsia palityk, jon «nia choča sudzicca z chvorym čałaviekam».