Adesa hatovaja pryniać u siabie «Jeŭrabačańnie-2017»
Mer Adesy Hienadź Truchanaŭ, pavinšavaŭšy ŭkrainskuju śpiavačku Džamału ź pieramohaj u finale konkursu «Jeŭrabačańnie», jaki prajšoŭ u subotu ŭ Stakholmie, vykazaŭ nadzieju, što nastupny piesienny turnir prymie jaho horad.
Na svajoj staroncy ŭ fejsbuku Hienadź Truchanaŭ napisaŭ: «Upeŭnieny, u nastupnym hodzie Ukraina prymie Jeŭrabačańnie na vysokim uzroŭni. Placoŭkaj, hodnaj praviadzieńnia takoha prestyžnaha konkursu, całkam moža stać naša Adesa — šmatnacyjanalny, pryhožy, jeŭrapiejski horad z bahataj historyjaj i kulturnymi tradycyjami! Spadziajusia, tak jano i budzie! «
Ukrainskija ŚMI, kamientujučy hetuju prapanovu mera, pišuć, što ŭ Adesie jość niekalki zakrytych kancertnych placovak suśvietnaha ŭzroŭniu — Opierny teatr ci teatr muzkamiedyi, — a taksama placoŭka dla praviadzieńnia mierapryjemstvaŭ na adkrytym pavietry — Paciomkinskaja leśvica.
Pra pačatak padrychtoŭki da praviadzieńnia konkursu «Jeŭrabačańnie» litaralna na nastupny dzień paśla pieramohi Džamały zajaviŭ mer Kijeva Vital Kličko.