U Banhkoku adkryli fejkavuju kramu elitnych skuranych vyrabaŭ, kab šakavać pakupnikoŭ pakutami žyvioł FOTY i VIDEA
Niekatoryja ludzi schilnyja zapluščvać vočy na pakuty žyvioł, kali havorka idzie ab kupli skuranych vyrabaŭ. Rekłamnaja ahiencyja Ogilvy & Mather i arhanizacyja achovy žyviolnaha śvietu abjadnalisia, kab źmianić hetaje staŭleńnie. Jany adkryli fejkavuju kramu ŭ adnym z samych modnych handlovych centraŭ Banhkoka. Vystaŭlenyja tam tavary byli sa strašnym sakretam unutry — tam była imitacyja rasčlanionych žyvioł.
«Pakupniki byli ŭ šoku, kali jany adkryvali sumku ci rasšpilvali kurtku, tam pakazvałasia jak bjecca serca abo pulsavaŭ straŭnik. Heta pravakacyjny sposab, kab supraćstajać spažyŭcam skuranych vyrabaŭ», — zajavili arhanizatary niezvyčajnaj kampanii pa abaronie žyvioł.