Vyjšaŭ pieršy tyzier sikvieła kultavaha filma «Na ihle»
U siecivie apublikavany pieršy tyzier sikvieła «Na ihle» (Trainspotting). Charakterna, što ŭ raźmieščanym na YouTube roliku, vykarystanyja kadry aryhinalnaj stužki Deni Bojła 1995 hoda.
Tyzieram jaho stvaralniki vyrašyli adznačyć start zdymak stužki, jaki byŭ dadzieny 16 maja.
U videa nazva novaj stužki zajaŭlenaja jak «T2». U sikviele źjaviacca akciory aryhinalnaj stužki: Juen Makhrehar, Juen Bremnier, Džoni Li Miler i Robiert Karłajł.
U asnovie sikvieła «Na ihle», jak i ŭ asnovie aryhinalnaj stužki, lažyć tvor šatłandskaha piśmieńnika Irvina Uełša. Na hety raz havorka idzie pra raman «Porna», apublikavany ŭ 2002 hodzie. Nahadajem, aryhinalnaja stužka była źniataja pavodle adnajmiennaha debiutnaha ramana Uełša, napisanaha ŭ 1993 hodzie.
Premjera praciahu filma namiečanaja na studzień 2017 hoda.