U Dokšycach prajšła akcyja suprać abortaŭ
dasłana ŭ Narodnyja naviny + fota
9 traŭnia, u Dzień Pieramohi, na rynku ŭ Dokšycach moładzievymi aktyvistami była praviedziena akcyja suprać abortaŭ pad lozunham: «Fašystaŭ pieramahli, a dziaciej usio roŭna zabivajuć».
Padčas akcyi było razdadziena bolš za 200 asobnikaŭ ulotak z zaklikam da zabarony abortaŭ. Aprača taho, plakat, jaki aktyvisty trymali na praciahu amal hadziny, pabačyli sotni žycharoŭ Dokšyc i Dokšyckaha rajonu. Praz paŭtary hadziny paśla pačatku akcyi da aktyvistaŭ padyšoŭ milicyjant i zahadaŭ źniščyć plakat.
Havoryć arhanizatar akcyi Kastuś Šytal:
«Heta naša pazycyja jak hramadzianaŭ i viernikaŭ. Heta nie palityka. Narod reahavaŭ pa‑roznamu. Chtości padtrymlivaŭ, chtości śmiajaŭsia, chtości zdymaŭ na fotakamery mabiłak. Ale, kali ŭličvać toje, što ŭ Dokšyckim rajonie nikoli ničoha padobnaha nie adbyvałasia, dumaju, rozhałas budzie vielmi vialiki, bo nas bačyli nia tolki žychary Dokšyc, ale i žychary mnohich viosak i miastečak Dokšyččyny, jakija pryjechali na rynak.