Łaŭroŭ patłumačyŭ niebiaśpieku pryznańnia niezaležnaści DNR i ŁNR
Kali Maskva pryznaje niezaležnaść samaabvieščanych respublik Danbasa, Zachad atrymaje nahodu spynić cisk na Kijeŭ z metaj vykanańnia minskich pahadnieńniaŭ. Tak kiraŭnik MZS Rasii Siarhiej Łaŭroŭ patłumačyŭ niebiaśpieku pryznańnia.
Ministr zamiežnych spraŭ Rasii Siarhiej Łaŭroŭ zajaviŭ, što pryznańnie samaabvieščanych Danieckaj i Łuhanskaj narodnych respublik (DNR i ŁNR) na ŭschodzie Ukrainy ŭ ciapierašni čas «kontrpraduktyŭna». Pra heta jon skazaŭ u chodzie intervju sajtu «Komsomolskaja pravda».
«Pryznańnie DNR i ŁNR kontrpraduktyŭna, heta daść padstavu Zachadu spynić cisk na Kijeŭ pa vykanańni «Minska-2 », - skazaŭ ministr.
Łaŭroŭ taksama adznačyŭ, što Rasieja nie kidaje paŭdniovy ŭschod Ukrainy, a aktyŭna padtrymlivaje dadzieny rehijon. «My paŭdniovy ŭschod Ukrainy nie kidajem, my pra jaho nie zabyvajemsia, i my jaho vielmi aktyŭna padtrymlivajem», — skazaŭ ministr.