Siejm Polščy pryznaŭ Vałynskuju raźniu hienacydam i vykazaŭ padziaku žaŭnieram Armii Krajovaj, Samaachovie Litvy i Biełarusi
Siejm Polščy ŭchvaliŭ pastanovu pa spravie ŭšanavańnia pamiaci achviar hienacydu, jaki ździejśnili ŭkrainskija nacyjanalisty na hramadzianach II Rečy Paspalitaj u 1939—1945 hadach.
432 deputaty prahałasavali za, 10 deputataŭ ustrymalisia. Fota: PAP/Tomasz Gzell
Rezalucyja vyznačaje 11 lipienia Dniom pamiaci pra palakaŭ, achviar hienacydu, ździejśnienaha AUN-UPA na byłoj polskaj terytoryi. U dakumencie havorycca, što arhanizavany j masavy charaktar Vałynskaj raźni maje charaktar etničnaj čystki j hienacydu. U tekście ŭšanavanaja pamiać achviar.
U dakumencie taksama źmieščanyja słovy padziaki žaŭnieram Armii Krajovaj, Samaachovie Litvy j Biełarusi j Sialanskim bataljonam, jakija abaraniali palakaŭ, a taksama tym ukraincam, jakija ryzykavali žyćciom dla ratavańnia polskich susiedziaŭ.
Aŭtary rezalucyi zaklikali pravieści hodnaje pachavańnie i ŭšanavańnie ŭsich achviar raźni.
Pavodle padlikaŭ Instytutu nacyjanalnaj pamiaci, u 1943—1945 hadach na Vałyni, va ŭschodniaj Małapolščy j na Lublinščynie zahinuła kala 100 tysiač palakaŭ.