Ułady Francyi ŭchvalili reformu pracoŭnaha zakanadaŭstva
Ułady Francyi ŭchvalili zakonaprajekt ab reformie pracoŭnaha zakanadaŭstva, paviedamlajuć infarmahienctvy.
Premjer Maniuel Vals skarystaŭsia narmatyvam, zychodziačy ź jakoha, u vypadku, kali na nastupnyja sutki ni adna z parłamienckich sił nie vykaža piarečańniaŭ, zakonaprajekt moža być pryniaty biez hałasavańnia ŭ parłamiencie.
Paviedamlajecca, što nijakich piarečańniaŭ paśla ŭviadzieńnia hetaha narmatyvu nie pastupiła.
Raniej pracoŭnaja reforma vyklikała šmat pratestaŭ pa ŭsioj Francyi. Jaje sutnaść ŭ tym, što rabotadaŭcy atrymajuć mahčymaść pavialičvać kolkaść rabočych hadzin i zmohuć damaŭlacca ab apłacie zvyšuročnych niepasredna z supracoŭnikami, nie ŭzhadniajučy heta z prafsajuzami. Taksama reforma praduhledžvaje spraščeńnie pracedury zvalnieńnia rabotnikaŭ.
Adnak členy prafsajuzaŭ upeŭnieny, što reforma, hałoŭnaja meta jakoj — baraćba ź biespracoŭjem, pahoršyć umovy pracy.