Orban: Jeŭropa mała zrabiła dla adnaŭleńnia ŭkrainskaj ekanomiki
Jeŭropa pakul nie nadta dobra siabie pakazała pa palapšeńni situacyi ŭ Ukrainie.
Pra heta zajaviŭ premjer-ministr Vienhryi Viktar Orban, havorycca ŭ paviedamleńni pres-słužby vienhierskaha ŭrada.
«Nijakich prykmiet stabilnaści va Ukrainie niama, kraina straciła značnuju častku svajoj terytoryi i nasielnictva. Papiaredniaja ekanamičnaja struktura ŭpała, isnavańnie ekanomiki zaležyć ad źniešniaha finansavańnia, košt srodkaŭ, nieabchodnych dla vyžyvańnia, pavialičyŭsia», — skazaŭ Orban.
Jon adznačyŭ, što ŭ hetaj situacyi Jeŭropa naŭrad ci zrabiła dastatkova dla dapamohi pracesu adnaŭleńnia ŭkrainskaj ekanomiki.
«Ź jeŭrapiejskaha punktu hledžańnia situacyja va Ukrainie źjaŭlajecca pytańniem sumleńnia, a Jeŭropa na siońnia nie nadta dobra siabie pakazvaje ŭ hetych adnosinach», — adznačyŭ premjer Vienhryi.