Łukašenka aznajomicca siońnia z raźvićciom fiermierskich haspadarak
Alaksandr Łukašenka zrobić siońnia rabočuju pajezdku ŭ Minskuju vobłaść, u chodzie jakoj aznajomicca z raźvićciom u krainie fiermierskich haspadarak.
Płanujecca, što ŭ Łahojskim rajonie kiraŭnik dziaržavy naviedaje sialanskuju fiermierskuju haspadarku «Cnianskija ekapradukty», jakaja śpiecyjalizujecca na vyroščvańni bulby i zbožžavych. U haspadarcy vykarystoŭvajucca sučasnyja technałohii zachoŭvańnia i pierapracoŭki bulby, što dazvalaje ŭpeŭniena realizoŭvać pradukcyju na ŭnutranym i źniešnim rynkach. Kiraŭniku krainy paviedamiać ab praktyčnaj realizacyi dziaržaŭnaj palityki pa raźvićci fiermierskich haspadarak, a taksama ukaza ad 4 lipienia 2016 hoda №253 «Ab mierach pa finansavym azdaraŭleńni sielskahaspadarčych arhanizacyj».
Padčas rabočaj pajezdki razmova taksama pojdzie ab chodzie ŭboračnaj kampanii ŭ Biełarusi ŭ cełym i Minskaj vobłaści ŭ pryvatnaści, kiraŭniku dziaržavy prademanstrujuć pierśpiektyŭnuju sielskahaspadarčuju techniku.