Klintan abvinavaciła specsłužby Rasiei ŭ chakierskaj atacy na servery jaje štabu
Razam z hetym papraknuŭšy Trampa ŭ simpatyjach da Rasii
Kandydat u prezydenty ZŠA Hiłary Klintan zajaviła, što za chakierskaj atakaj na servery Nacyjanalnaha kamitetu Demakratyčnaj partyi ZŠA (DNC) stajać rasiejskija specsłužby.
U piatnicu znoŭ stała viadoma, što ŭzłamanyja kamputarnyja systemy, jakimi karystajecca vybarčy štab kandydatki ŭ prezydenty ZŠA ad demakrataŭ Hiłary Klintan.
Pres-sakratar kamitetu Mered Keli paviedamiła, što adrazu ž źviarnułasia da firmy pa kamputarnaj biaśpiecy CrowdStrike i viadučaha sudovaha śledčaha.
Pavodle niekatorych dadzienych, da ataki datyčnaja rasiejskaja hrupa Fancy Bear, źviazanaja z Hałoŭnym raźviedvalnym upraŭleńniem — HRU.
Akramia taho, Hiłary Klintan abvinavaciła kandydata ŭ prezydenta ZŠA ad Respublikanskaj partyi Donalda Trampa ŭ tym, što toj «demanstruje vielmi tryvožnaje žadańnie» padtrymać rasiejskaha prezydenta Ŭładzimiera Pucina.
Skandał z kiberatakami na servery DNC vybuchnuŭ paśla publikacyi partałam WikiLeaks amal 20 tysiač elektronnych listoŭ, napisanych abo atrymanych čynoŭnikami kamitetu.
WikiLeaks apublikavaŭ pierapisku 22 lipienia, adnak sama infarmacyja ab uzłomie serveraŭ DNC źjaviłasia miesiacam raniej.
Raniej pieradvybarčy štab Hiłary Klintan užo abvinavačvaŭ Rasieju va ŭzłomie servera i kradziažy pierapiski DNC z metaj padtrymki kandydata ŭ prezydenty ad respublikancaŭ Donalda Trampa.
Pra toje, što Rasieja ŭzłomvaje amerykanskija systemy, kazaŭ i prezydent ZŠA Barak Abama.