U Francyi aryštavany jašče adzin padazravany pa spravie ab terakcie ŭ Nicy
Aryštavany - 36-hadovy mužčyna Chamdzi Z., jaki «jak minimum hod» byŭ znajomy z Machamiedam Łachuajiedžam Buchlelem, što ŭčyniŭ terakt, paviedamlaje AFP.
Francuzskija pravaachoŭnyja orhany aryštavali jašče adnaho padazravanaha ŭ datyčnaści da padrychtoŭki teraktu 14 lipienia ŭ Nicy. Pra heta paviedamiła AFP sa spasyłkaj na krynicy ŭ prakuratury Paryža.
Pavodle infarmacyi AFP, aryštavany - 36-hadovy mužčyna Chamdzi Z., jaki «jak minimum hod» byŭ znajomy z Machamiedam Łachuajiedžam Buchlelem, što ŭčyniŭ terakt.
U rasparadžeńni śledčych apynulisia fatahrafii z Chamdzi i terarystam, zroblenyja za niekalki dzion da trahiedyi ŭ Nicy.
Jak padazraje śledstva, Chamdzi moh być u kursie padrychtoŭki da teraktu. Na dadzieny momant jamu pradjaŭlenyja abvinavačvańni ŭ stvareńni złačynnaj supolnaści z terarystyčnym namieram.
Raniej padobnyja abvinavačvańni byli vysunutyja ŭ dačynieńni da jašče piaci fihurantaŭ spravy ab terakcie ŭ Nicy, jakija mahli być pamahatymi terarysta. Siarod ich, u pryvatnaści, troje uradžencaŭ Tunisa, adkul rodam i Machamied Łachuajiedž Buchlel. Akramia taho, zatrymanaja para z Ałbanii - mužčyna i žančyna, jakija padazrajucca ŭ tym, što zabiaśpiečyli terarysta ŭ Nicy zbrojaj, ź jakoj jon rasstrelvaŭ padčas svajho napadu palicejskich.
Terakt u Nicy
Uviečary 14 lipienia hruzavik na poŭnym chodzie ŭrezaŭsia ŭ natoŭp na Anhlijskaj nabiarežnaj u Nicy, dzie ŭ toj momant znachodzilisia tysiačy ludziej, jakija pryjšli pahladzieć na fiejervierk z nahody Nacyjanalnaha śviata Francyi. Zahinuli 84 čałavieki, ranieńni atrymali jašče kala 200. Ułady krainy abviaścili trochdzionnuju nacyjanalnuju žałobu ŭ pamiać pra achviar teraktu i anansavali ŭzmacnieńnie žorstkaści režymu biaśpieki ŭ krainie.