U Rasii paličyli nieprystojnaj rekłamu vystavy Boscha z frahmientami jaho karcin
Fiederalnaja antymanapolnaja słužba Rasii aštrafavała kampaniju Artplay media na 100 tysiač rubloŭ (1500 dalaraŭ) za raźmiaščeńnie rekłamy z frahmientami karcin Ijeranima Boscha na vulicach Maskvy.
Getty
Na dumku viedamstva, častka posteraŭ, jakija rekłamujuć vystavu «Bosch. Ažyłyja ŭjaŭleńni», była nieetyčnaj.
«FAS vyniesła rašeńnie pryznać rekłamu nieprystojnaj, a na kampaniju Artplay media byŭ nakładzieny štraf u 100 tysiač rubloŭ i pradpisańnie demantavać usie postery z vyjavaj, z nahody jakoj išło raźbiralnictva», — havorycca ŭ paviedamleńni Artplay Media.
U rekłamnych płakatach, jakija FAS paličyła nieprystojnymi, vykarystoŭvalisia elemienty trypcicha Boscha «Sad ziamnych asałod».
Karcina, pryśviečanaja hrachu juru, źmiaščaje vyjavy katavańniaŭ, pačvar i aholenych ludziej.
artprojekt.ru
Vystava «Bosch. Ažyłyja ŭjaŭleńni» prachodziła ŭ Maskvie ramkach hoda Boscha ŭ Jeŭropie, prymierkavanaha da 500-hodździa z dnia śmierci mastaka.
Nahadajem, raniej u Sankt-Pieciarburhu arhanizatary byli vymušanyja prykryć haliznu Davyda Mikiełandžeła praz skarhu haradžanki.