Taćciana Chaładovič vyjšła ŭ finał kidańnia kapja
Dziejučaja čempijonka Jeŭropy biełaruska Taćciana Chaładovič upeŭniena vyjšła ŭ finał spabornictvaŭ pa kidańni kapja na Alimpijadzie ŭ Rya-de-Žaniejra.
Fota Darji Burakinaj, Tut.by
Chaładovič užo ŭ pieršaj sprobie pieraadoleła kvalifikacyjny miažu, pakazaŭšy vynik 63,78 mietra. Heta dazvoliła joj zaniać piataje miesca na papiarednim etapie.
Inšaja biełaruska Taćciana Korž z kožnaj sprobaj palapšała svoj vynik, ale dalej 56,16 mietra kinuć kapjo joj tak i nie ŭdałosia.
Finalnyja spabornictvy ŭ hetym vidzie prahramy projduć u noč z 18 na 19 žniŭnia. Pačatak - u 1.10.