Kiraŭnik kišennaj partyi patłumačyŭ, jak atrymaŭ sudzimaść u kancy 2000-ych
Błohier d-zholik aburyŭsia niapoŭnaj infarmacyjaj pra kandydata Vasila Zadniapranaha, apublikavanaj Sienickaj akružnoj kamisijaj. Sprava ŭ tym, što staršynia kišennaj Respublikanskaj partyi pracy i spraviadlivaści mieŭ sudzimaść u 2008 hodzie pa č. 2 artykuła 317 Kryminalnaha kodeksa.
Vasil Zadniaprany — supiernik «atamana» Ułachoviča.
U aficyjnych dakumientach akružnaja kamisija apisała hety vypadak niejtralna — jak «ździajśnieńnie darožna-transpartnaha zdareńnia pa nieściarožnaści». Adnak nasamreč artykuł, pa jakim pryciahvaŭsia da adkaznaści Zadniaprany, hučyć inačaj: «parušeńnie PDR, jakoje paciahnuła pa nieaściarožnaści śmierć čałavieka albo pryčynieńnie ciažkaha cialesnaha pachodžańnia».
U Sienickaj akruzie №76 admovilisia tłumačyć, čamu była abranaja takaja farmuloŭka. Staršynia kamisii Valancina Kuleš zajaviła, što nie ŭvodzić vybarcaŭ u zman, ale admoviłasia adkazvać na pytańni «Našaj Nivy».
Što ž za incydent zdaryŭsia z Zadniapranym u 2008 hodzie?
«Byŭ doždž, koŭzkaja daroha… Na darohu vyskačyła žančyna. Atrymała traŭmu, pierałom nahi. Jana była na balničnym 24 dni, my ź joj dahetul siabrujem, jana vielmi dobry čałaviek», — raskazaŭ jon.
Pa słovach Zadniapranaha, jon atrymaŭ štraf i «abmiežavańnie na hod na vyjezd za miažu».
Mahčymaje pakarańnie pa pa č. 2 artykuła 317 Kryminalnaha kodeksa — papraŭčyja raboty na termin da dvuch hadoŭ albo abmiežavańnie/pazbaŭleńnie svabody na termin da piaci hadoŭ.