Vulicu Cetkin abiacajuć adkryć dla transpartu ŭ piatnicu u druhoj pałovie dnia
Raboty pa adnaŭleńni ŭčastka vulična-darožnaj sietki płanujuć zaviaršyć 4 listapada ŭ pieršaj pałovie dnia, paviedamlaje Tut.by sa spasyłkaj na telekanał «Biełaruś 1».
Fota Kiryła Taranienki
Avaryjnyja bryhady Minskvodakanała praktyčna skončyli ramont paškodžanaha ŭčastka padziemnych kamunikacyj. Paśla darožnyja słužby piarojduć da ŭkładki asfaltu.
Ruch dla ŭsich vidaŭ transpartu začynili na ŭčastku vulicy Kłary Cetkin ad płoščy Bahuševiča da vulicy Miaśnikova ŭ napramku vakzała z-za pravału hruntu. NZ zdaryłasia 2 listapada — u vyniku paškodžańnia vadapravodnaj sietki na darozie ŭtvaryłasia vializnaja dzirka.
Dziaržaŭtainśpiekcyja raić kiroŭcam uličvać hetuju infarmacyju i vybirać pry pajezdcy na pracu alternatyŭny maršrut.