Film pra Franciška Skarynu zdymuć da Dnia biełaruskaha piśmienstva-2017
Film pad umoŭnaj nazvaj «Darohami Franciška Skaryny» płanujecca padrychtavać da Dnia biełaruskaha piśmienstva-2017. Pra heta paviedamiła 9 listapada na pasiadžeńni Nacyjanalnaha arhkamiteta pa padrychtoŭcy i praviadzieńni Dnia biełaruskaha piśmienstva ŭ Połacku ministr infarmacyi Lilija Ananič, pieradaje BIEŁTA.
«Kancepcyja Dnia biełaruskaha piśmienstva takaja, kab pakazać suviaź historyi i sučasnaści, pakazać, što idei Franciška Skaryny aktualnyja siońnia dla raźvićcia Biełarusi i inšych krain. My prapanujem akcent Dnia biełaruskaha piśmienstva zrabić nie tolki na teatralizavanym dziejańni, ale i padrychtavać film, prajści z kamieraj šlachami Franciška Skaryny, pa haradach i krainach», — skazała ministr. Zaklučnyja zdymki miarkujecca pravieści ŭ Połacku.
Pa słovach Lilii Ananič, taki film prademanstruje, što krainy śvietu, dzie byvaŭ i žyŭ Francišk Skaryna, majuć nieparyŭnuju suviaź ź Biełaruśsiu. U efiry biełaruskich telekanałaŭ budzie arhanizavany pakaz tematyčnych siužetaŭ ab padrychtoŭcy i praviadzieńni Dnia piśmienstva. Horad Połack maje mahčymaść pryniać vialikuju kolkaść haściej, tamu śviata moža doŭžycca dva dni i jaho adkryćcio miarkujuć pravieści 2 vieraśnia.
Ministr dadała, što ŭ prahramie Dnia biełaruskaha piśmienstva na 2 vieraśnia płanujecca praviadzieńnie tradycyjnaha mižnarodnaha kruhłaha stała z udziełam biełaruskich i zamiežnych piśmieńnikaŭ, navukova-praktyčnaj kanfierencyi «Połackija čytańni», hałoŭnaj temaj jakich stanie tema spadčyny Franciška Skaryny. Prapanujecca taksama ŭ hety dzień pravieści vynikovy etap respublikanskaha konkursu junych čytačoŭ «Žyvaja kłasika».
Subotni dzień moža być zapoŭnieny takimi mierapryjemstvami, jak litaraturnaja sustreča z udziełam biełaruskich piśmieńnikaŭ i vykanaŭcaŭ, teatralny ŭik-end z pakazam tematyčnaha śpiektakla, pryśviečanaha Francišku Skarynu, vystavu rabot Ivana Chruckaha, imia jakoha źviazana z Połackam.
U prahramie Dnia biełaruskaha piśmienstva — tradycyjnaja Boskaja liturhija i pasadka Sadu malitvy, jakimi tradycyjna zaviaršajecca navukova-aśvietnickaja ekśpiedycyja «Daroha dy śviatyniaŭ».
Na hałoŭnaj scenie śviata prapanujecca ŭ treci raz pravieści cyrymoniju ŭručeńnia Nacyjanalnaj litaraturnaj premii piśmieńnikam za lepšyja tvory ŭ roznych naminacyjach z uručeńniem hanarovych znakaŭ-simvałaŭ i dypłomaŭ.
U Dzień biełaruskaha piśmienstva projdzie fiestyval knihi i presy. U paviljonach tradycyjna buduć arhanizavany knižnyja vystavy, pryśviečanyja 500-hodździu biełaruskaha knihadrukavańnia, piśmieńnikam-jubilaram, pradstaŭleny knihi — pieramožcy mižnarodnaha i nacyjanalnaha konkursaŭ «Mastactva knihi».
Taksama projduć prezientacyi knih i vydaviectvaŭ, haziet i časopisaŭ, vystupleńni tvorčych kalektyvaŭ. Buduć padrychtavany ekspazicyi respublikanskich i rehijanalnych drukavanych ŚMI, arhanizavana rabota handlovych paviljonaŭ. Na fiestyvali hości śviata zmohuć sustrecca ź biełaruskimi litaratarami, supracoŭnikami vydaviectvaŭ i redakcyj, raspaŭsiudžvalnikami druku.
Razhorniecca Horad majstroŭ, teatralnaja, dziciačaja, maładziožnaja, histaryčnaja placoŭki. Da śviata zapłanavana padrychtavać tematyčnyja vydańni: knihu-albom pra Połack i zbornik tvoraŭ połackich paetaŭ i prazaikaŭ ŭ sieryi «Biełaruś litaraturnaja».